గుంటూరులో కొత్త ఎక్స్‌పీరియన్స్ జోన్‌ను పరిచయం చేసిన TORK మోటార్స్
తెలుగు సూపర్ న్యూస్,గుంటూరు, 24 మే, 2023: భారతదేశపు మొట్టమొదటి ఎలక్ట్రిక్ మోటర్‌సైకిల్ తయారీదారు TORK మోటార్స్ తమ మొదటి ఎక్స్‌పీరియన్స్ జోన్‌ను గుంటూరులో ప్రారంభించింది. ఇది అమరావతి రోడ్ , ప్రభుత్వ ఫీవర్ హాస్పిటల్ ఎదురుగా , గోరంట్ల ప్రాంతంలో ఉంది. ఈ 3S సౌకర్యం ఈ ప్రాంతంలోని కస్టమర్‌లు, ఔత్సాహిక కస్టమర్ల కు అమ్మకాలు, అమ్మకాల తర్వాత సేవలను కూడా అందించగలదు . ఇది ఆంధ్రప్రదేశ్ రాష్ట్రంలో కంపెనీ మొదటి భౌతిక షాప్ గా నిలుస్తుంది.
ఈ పూర్తి సరికొత్త ఎక్స్‌పీరియన్స్ జోన్ TORK మోటార్స్ ఇటీవల విడుదల చేసిన, నవీకరించిన KRATOS-R మోటర్‌సైకిల్‌ను ప్రదర్శిస్తుంది. ఇది ఇప్పటికే ఉన్న, అలాగే సంభావ్య క్లయింట్‌ల అమ్మకాల తర్వాత అన్ని అవసరాలను తీర్చటానికి ప్రత్యేక జోన్‌ను కూడా కలిగి ఉంది.
ఈ జోన్ ప్రారంభోత్సవం సందర్భంగా, TORK మోటార్స్ వ్యవస్థాపకుడు & సిఈఓ శ్రీ కపిల్ షెల్కే మాట్లాడుతూ, “నగరంలో ఎలక్ట్రిక్ మోటార్‌సైకిల్‌పై పెరుగుతున్న ఆసక్తిని తీర్చడానికి గుంటూరులో మా మొదటి ఎక్స్‌పీరియన్స్ జోన్‌ను ప్రారంభించడం మాకు చాలా ఆనందంగా ఉంది. మా లక్ష్యం మా అధిక-పనితీరు గల ఎలక్ట్రిక్ మోటార్‌సైకిల్‌తో లీనమయ్యే, తొలి అనుభవాలను అందించటమే! ఔత్సాహికులు, సంభావ్య కస్టమర్‌లు Kratos R పనితీరు ను దగ్గరగా చూసేందుకు ఇది వీలు కల్పిస్తుంది. ప్రముఖ మార్కెట్‌లలో TORK ఎక్స్‌పీరియన్స్ జోన్‌లను పరిచయం చేయాలనే ప్రణాళికలతో మేము దేశవ్యాప్తంగా మా టచ్‌పాయింట్‌లను విస్తరింపజేస్తూనే ఉన్నాము. మా విస్తరణ ప్రణాళికలు ఎలక్ట్రిక్ ద్వి చక్ర వాహన రంగం లో అత్యుత్తమ, స్థిరమైన,ఆచరణాత్మక రవాణాను నిర్ధారించే విధంగా ఉన్నాయి “అని అన్నారు.
TORK మోటార్స్ తన ఫ్లాగ్‌షిప్ మోటార్‌సైకిల్ KRATOS-Rని 2022 సంవత్సరంలో విడుదల చేసింది. విడుదల చేసిన నాటి నుంచి , కంపెనీ విస్తృత స్థాయి బుకింగ్‌ల ద్వారా దేశీయంగా అభివృద్ధి చేసిన ఎలక్ట్రిక్ మోటర్‌సైకిళ్లకు అద్భుతమైన స్పందనను అందుకుంది. ఈ సంవత్సరం ప్రారంభంలో ఢిల్లీ ఆటో ఎక్స్‌పోలో, బ్రాండ్ కొన్ని ముఖ్యమైన మార్పులతో నవీకరించబడిన KRATOS Rని పరిచయం చేసింది. ఈ మోటర్‌సైకిల్ ఇప్పుడు పూర్తిగా నలుపు రంగు మోటార్, బ్యాటరీ ప్యాక్‌తో పాటు మెరుగైన స్టైలింగ్ కోసం స్టైలిష్ డీకాల్స్‌ను కలిగి ఉంది. ఇది ఫాస్ట్ ఛార్జింగ్ పోర్ట్‌తో వస్తుంది. నూతన జెట్ బ్లాక్ మరియు తెలుపు రంగులతో సహా ఐదు ట్రెండీ రంగులలో ఈ మోటార్‌సైకిల్ వినియోగదారులకు అందుబాటులో ఉంటుంది. అతి తక్కువగా నెలకు INR 2999/-* నుండి ప్రారంభమయ్యే EMI ఎంపికలతో, KRATOS-Rని అందరికీ అందుబాటులో ఉండేలా చేయడానికి TORK మోటార్స్ అనేక ఫైనాన్స్ కంపెనీలతో కలిసి పనిచేస్తుంది.
ప్రస్తుత కస్టమర్‌లు తేడా మొత్తాన్ని చెల్లించడం ద్వారా వారి ప్రస్తుత మోటార్‌సైకిల్‌ను ఆధునీకరించటం చేయవచ్చు. కంపెనీ అధికారిక వెబ్‌సైట్‌ www.booking.torkmotors.com సందర్శించడం ద్వారా వినియోగదారులు తమ KRATOS Rని బుక్ చేసుకోవచ్చు.