హైదరాబాద్లో మైక్రోస్కూలింగ్ ఏర్పాటుచేసిన డ్రీమ్‌టైమ్ లెర్నింగ్ హబ్
* హైపర్-పర్సనలైజ్డ్ అభ్యసనంపై దృష్టిపెట్టే స్కూలు
తెలుగు సూపర్ న్యూస్,హైదరాబాద్, ఏప్రిల్ 3, 2023: విద్యావ్య‌వ‌స్థ‌లో స‌రికొత్త విధానాన్ని సృష్టించడం, విభిన్న అభ్యసన ప్రాంతాల‌ను అభివృద్ధి చేయడం లక్ష్యంగా డ్రీమ్ టైమ్ లెర్నింగ్ హబ్ (Dreamtime Learning Hub) తన మొదటి మైక్రో-స్కూలింగ్ హబ్ ను హైదరాబాద్ లో ప్రారంభించింది. తల్లిదండ్రులు తమ పిల్లల కోసం వ్యక్తిగత స్థాయి విద్యా వ్య‌వ‌స్థ‌ను సృష్టించడానికి ఈ హబ్ ఒక అవకాశాన్ని వారికి అందిస్తుంది. జూబ్లీహిల్స్ నడిబొడ్డున ఉన్న ఈ హబ్ తన అంద‌మైన ప్రాంగ‌ణాలు, అత్యాధునిక సాంకేతిక పరిజ్ఞానాల పరిపూర్ణ సమ్మేళనంతో అత్యున్న‌త అభ్యసన అనుభవాన్ని అందిస్తుంది. ఈ హబ్ 120 మంది సాహసోపేతమైన, తెలివైన తల్లిదండ్రులతో కూడిన బృందాన్ని.. అనుభవపూర్వక, ఆనందకరమైన, నిమగ్నమైన, సహకార వాతావరణంలో పిల్లలతో కలిసి సృష్టించడానికి, నేర్చుకోవడానికి తీసుకువస్తుంది.
మైక్రో-స్కూలింగ్ అనేది ఒక కమ్యూనిటీ ఆధారిత పాఠశాల. ఇది హైపర్-పర్సనలైజ్డ్ పాఠ్యప్రణాళికను అందిస్తుంది. ఇది భారతీయ మార్కెట్లో కొత్తగా వ‌స్తున్న ధోరణి. ఇది వ్యక్తిగతీకరించిన, సౌకర్యవంతమైన విద్య కావాల‌న్న డిమాండుకు అనుగుణంగా న‌డుస్తుంది. విద్యార్థి-ఉపాధ్యాయ నిష్పత్తి చాలా త‌క్కువ ఉంటుంది. ఇళ్ల ద‌గ్గ‌రే పాఠాలు నేర్చుకోవ‌డం, ఇత‌ర ప్రత్యామ్నాయ విధానాలు పెరుగుతున్నాయి. దీంతో తమ పిల్లలకు అనుకూలంగా, వారి వ్యక్తిగత అవసరాలకు అనుగుణంగా విద్యావ్య‌వ‌స్థ ఉండాలని కోరుకునేవారికి మైక్రో-స్కూలింగ్ బాగా అనుకూలంగా ఉంటుంది. ఫలితంగా హైదరాబాద్ లో పర్సనలైజ్డ్ విద్య‌కు డిమాండ్ పెరుగుతోంది. సృజనాత్మక, సమర్థవంతమైన అభ్యసన పరిష్కారాలకు అత్యంత ఆమోదయోగ్యమైన మార్కెట్ ను లక్ష్యంగా చేసుకోవడానికి ఇది విద్య, శిక్షణ బ్రాండ్లకు ఒక మంచి అవకాశాన్ని అందిస్తుంది.
ఇలాంటి విధానం, ఆలోచనలతో తన ఉనికిని బలోపేతం చేస్తూ, కొత్తగా ప్రారంభించిన హబ్ 3 నుంచి 16 సంవత్సరాల వయస్సు గల విద్యార్థుల అవసరాలను తీర్చే సాంకేతిక-ఆధారిత, అవుట్ డోర్-ఆధారిత, సృష్టి-కేంద్రీకృత మైక్రో-స్కూల్. హైపర్-పర్సనలైజ్డ్ కరిక్యులమ్, సహకార విధానం, సామాజిక-భావోద్వేగ అభ్యసనంపై దృష్టితో, ప్రత్యామ్నాయ విద్యలో ఈ హబ్ అగ్రగామిగా మారనుంది.
డ్రీమ్ టైమ్ లెర్నింగ్ హబ్ విద్యార్థుల విభిన్న అభ్యసన అవసరాలను తీర్చే అసాధారణ సౌకర్యాలను అందిస్తుంది. కమ్యూనిటీ హబ్, స్టూడియో స్పేస్, డ్రోన్, రోబోటిక్ స్పేస్, లెర్నింగ్ హబ్, ట్రీ హౌస్, యానిమల్ పెటింగ్ కార్నర్.. ఇంకా ఇలాంటివి మరెన్నో సౌకర్యాలు ఉన్నాయి. విద్యార్థులకు విద్యాప‌ర‌మైన, వ్యక్తిగత ఎదుగుదలను ప్రోత్సహించే అవకాశాలను అందిస్తాయి. ఉదాహరణకు, కమ్యూనిటీ హబ్ అనేది తల్లిదండ్రులు, ఉపాధ్యాయులు తమ పిల్లల కోసం వ్యక్తిగతీకరించిన విద్యా ప్రయాణాలను నిమగ్నం చేయడానికి, కో-క్రియేట్ చేయడానికి వీలుండే ఒక సహకారపూర్వ‌క స్థలం. స్టూడియో స్పేస్ అనేది ఒక సృజనాత్మక, కళాత్మక జోన్. ఇక్కడ విద్యార్థులు తమను తాము వ్యక్తీకరించుకోవచ్చు, వారి నైపుణ్యాలను అభివృద్ధి చేసుకోవచ్చు. ఈ హబ్ లో డ్రోన్లు, రోబో టెస్టింగ్ ఏరియాతో ప్రత్యేక టెక్నాలజీ స్పేస్ కూడా ఉంటుంది. ఇది విద్యార్థులు ప్రయోగాలు చేయడానికి, రోబోటిక్స్ గురించి నేర్చుకోవడానికి వీలు క‌ల్పిస్తుంది. ఈ అంత‌ర్జాతీయ స్థాయి సౌకర్యాలతో, డ్రీమ్ టైమ్ లెర్నింగ్ హబ్ అన్ని వయస్సుల విద్యార్థులకు అద్భుతమైన, సంపూర్ణ అభ్యసన అనుభవాన్ని అందిస్తుంది.
ఈ సందర్భంగా డ్రీమ్ టైమ్ లెర్నింగ్ హబ్ సీఈఓ డాక్టర్ కవితా జైన్ మాట్లాడుతూ, “మా మొదటి హబ్ ప్రారంభంతో, విద్యార్థులను ఉత్తేజపరిచేందుకు వ్యక్తిగతీకరించిన, అన్ని వ‌య‌సుల‌వారితో కూడిన, వేగవంతమైన, సరళమైన, సాంకేతిక-ఆధారిత అభ్యసన‌కు సంబంధ‌ఙంచిన నిజమైన సారాన్ని తీసుకురావాలని మేము భావిస్తున్నాము. హైదరాబాద్ గేమ్ ఛేంజర్ల నగరం. స్టార్టప్ ల నుంచి టెక్నాలజీ ఇన్నోవేషన్ వరకు రిస్క్ తీసుకునే వారిని ఈ నగరం బాగా ఆదరిస్తుంది. అందుకే సంప్రదాయ సాధారణ వ్యవస్థకు దూరంగా, తమ పిల్లలకు అత్యుత్త‌మ విద్య‌ను అందించేందుకు ఇక్కడి తల్లిదండ్రులు ధైర్యంగా ముందుకొస్తారు కాబ‌ట్టే మేము ఈ నగరాన్ని ఎంచుకున్నాము. మైక్రో స్కూల్ భారతదేశానికి చాలా కొత్త అయినా, ప్రపంచవ్యాప్తంగా పాఠకులకు, బాగా చ‌దివేవారికి సుపరిచితమైన భావన. విద్యార్థులు కోరుకుంటున్న‌దానికి, ప్రస్తుత విద్యా వ్యవస్థ అందించేదానికి మధ్య ప్రస్తుతం ఉన్న అంతరాన్ని పూడ్చ‌డానికే ఇది ఉనికిలోకి వచ్చింది.
ప్రతి విద్యార్థి ప్రతి విష‌యంలోనూ త‌నంట‌త తానే ప్రావీణ్యం సాధించేలా ఇక్కడ పాఠ్య ప్ర‌ణాళిక‌ల‌ను రూపొందించాం. నిజానికి మేం వారిని సిద్ధం చేయం, వారిని జాగ్ర‌త్త‌గా చూసుకుంటాం. ఇది ఒక‌ర‌కంగా చెప్పాలంటే, లావాదేవీల అభ్య‌స‌నం నుంచి మార్పుతో కూడిన అభ్య‌స‌నానికి మార‌డం. (ట్రాన్సాక్ష‌న్ – ట్రాన్స్‌ ఫ‌ర్మేష‌న్‌). ఇది ప్రతి విద్యార్థికి ఛాయిస్‌, , వాయిస్, ఏజెన్సీకి సంబంధించినది. లక్ష్యాలు ప్రతి విద్యార్థికి వారు చేసే ప్రతి పనిలో బాధ్యత, కరుణతో ముడిపడి ఉంటాయి. నిజ‌జీవితంలో ఎదుర‌య్యే స‌మ‌స్య‌ల ప‌రిష్కారానికి అవసరమైన ఉత్ప‌త్తుల‌ను రూపొందించ‌డానికి వారి మెద‌డు నిరంత‌రం ప‌నిచేసేలా, చేతులు కూడా నిమగ్నం అయ్యేలా ఇక్కడి మేక‌ర్ స్పేస్‌ల‌ను రూపొందించాం. త‌క్కువ మంది విద్యార్థులు, క్యాంప‌స్ ప్రత్యేక రూప‌క‌ల్ప‌న, కమ్యూనిటీ భాగస్వామ్యం, తల్లిదండ్రుల నిమగ్నత అనేది విద్యార్థులకు ఆహ్లాదకరంగా ఉండే కో-క్రియేటింగ్ లెర్నింగ్ జర్నీ. పాఠశాల పరిధిని, ప్రభావాన్ని విస్తరించాలని యోచిస్తున్నాం. వచ్చే రెండేళ్లలో మెట్రో నగరాల్లో మరో నాలుగు కేంద్రాలకు తమ ఉనికిని బలోపేతం చేయాలని చూస్తున్నాం” అని ఆమె చెప్పారు.
