2023 సంవ‌త్స‌రానికి ప్రవేశపరీక్ష తేదీలను ప్రకటించిన శివ్ నాడార్ విశ్వవిద్యాలయం
తెలుగు సూపర్ న్యూస్,చెన్నై, ఫిబ్రవరి 6,: శివ్ నాడార్ ఫౌండేషన్‌లో భాగమైన శివ్ నాడార్ యూనివర్సిటీ చెన్నై 2023 సెషన్‌కు ప్రవేశ పరీక్ష తేదీలను ప్రకటించింది. చెన్నై, ఢిల్లీ, ముంబై, కోయంబత్తూరు, మదురై, బెంగళూరు, హైదరాబాద్, విజయవాడ, త్రివేండ్రం, కోల్‌క‌తా లాంటి 10 నగరాల్లో ప్రవేశ పరీక్షలు జరగనున్నాయి. ఈ పరీక్షలు 2023 ఏప్రిల్ 8 నుంచి జూన్ 17 వరకు దశలవారీగా జరుగుతాయి, ఇది విద్యార్థులకు వారి ప్రతిభను ప్రదర్శించడానికి, ప్రసిద్ధ విశ్వవిద్యాలయంలో వారి భవిష్యత్తును సురక్షితంగా ఉంచడానికి పుష్కలమైన అవకాశాలను అందిస్తుంది.
విద్యార్థులు నిర్దేశిత 10 నగరాల్లో ఏదో ఒక చోట ప్రవేశ పరీక్షలు రాసే వెసులుబాటు ఉంటుంది. ఒక‌వేళ ఎంచుకున్న న‌గ‌రం, పరీక్ష తేదీల‌లో ఏవైనా ఇబ్బంది అయితే వాటిని మార్చుకోడానికి కూడా విద్యార్థులకు అవ‌కాశం ఉంటుంది. అయితే.. ఒక అభ్యర్థి ఏదైనా నిర్దిష్ట కోర్సు కోసం ఒకసారి మాత్రమే పరీక్షకు హాజరుకావచ్చు. 2023 ఫిబ్రవరి 6 నుంచి మార్చి 31 వరకు https://www.snuchennai.edu.in/ అనే వెబ్‌సైట్ ద్వారా రిజిస్ట్రేషన్లు చేసుకోవచ్చు.
ఈ ప్ర‌క‌ట‌న గురించి చెన్నైలోని శివ్ నాడార్ యూనివర్సిటీ వైస్ చాన్స్‌లర్ ప్రొఫెసర్ శ్రీమన్ కుమార్ భట్టాచార్య మాట్లాడుతూ.. “దూరదృష్టి ఆశాజనకమైన భ‌విష్య‌త్తుకు బాటలు వేస్తుంది. అందువల్ల, నైపుణ్యాలతో పూర్తిగా సన్నద్ధమైన దార్శనికులు, చురుకైన వ్యక్తులు కొత్త త‌రంలోని డైనమిక్ జాబ్ మార్కెట్లో మంచి అవ‌కాశాలు పొందుతారు. చెన్నై శివ్ నాడార్ విశ్వవిద్యాలయంలో, కొత్త యుగంలో విజయానికి అవసరమైన నైపుణ్యాలు, జ్ఞానంతో మా విద్యార్థులను సన్నద్ధం చేసే వినూత్న ఇంజనీరింగ్, మేనేజ్‌మెంట్, హ్యుమానిటీస్ కోర్సులను స‌గ‌ర్వంగా అందిస్తున్నాము. మా 2023 ప్రవేశాల పరీక్ష తేదీలను ప్రకటించడంతో, ప్రతిభావంతులైన కొత్త బృందానికి స్వాగతం పలకడానికి మేము ఆసక్తిగా ఉన్నాము” అని తెలిపారు.
ఈ విశ్వవిద్యాలయం ఇంజనీరింగ్, కామర్స్, హ్యుమానిటీస్ విభాగాలలో ఆరు ప్రత్యేక అండర్ గ్రాడ్యుయేట్ కోర్సులను అందిస్తోంది. ఈ కోర్సుల‌న్నీ పరిశ్రమ-ఆధారితమైనవి. విజ్ఞానం, నైపుణ్యాలను పెంపొందిస్తాయి. ఇవి భారతదేశం, విదేశాలలో అభివృద్ధి చెందుతున్న ఉద్యోగాలు లేదా ఉన్న‌త విద్య‌లో ప్రవేశించడానికి, వాటిలో రాణించడానికి విద్యార్థులకు వీలు కల్పిస్తాయి.
ప్రస్తుతం విశ్వవిద్యాలయంలో 815 మంది విద్యార్థులు, 55 మంది అధ్యాపకులు, సిబ్బంది ఉన్నారు.
స్కూల్ ఆఫ్ ఇంజనీరింగ్ కోర్సులలో అందుబాటులో ఉన్న సీట్ల సంఖ్య:
- బీటెక్ కంప్యూటర్ సైన్స్ అండ్ ఇంజినీరింగ్ (ఇంటర్నెట్ ఆఫ్ థింగ్స్): 120
- బీటెక్ ఆర్టిఫిషియల్ ఇంటెలిజెన్స్ అండ్ డేటా సైన్స్: 120
- బీటెక్ కంప్యూటర్ సైన్స్ అండ్ ఇంజినీరింగ్ (సైబర్ సెక్యూరిటీ): 60
స్కూల్ ఆఫ్ కామర్స్ అండ్ మేనేజ్ మెంట్‌లోని వివిధ కోర్సుల్లో అందుబాటులో ఉన్న సీట్ల సంఖ్య:
- బీకాం (ప్రొఫెషనల్ అకౌంటింగ్): 60
- బి.కామ్/బి.కామ్ (ఆనర్స్) :60
స్కూల్ ఆఫ్ సైన్స్ & హ్యుమానిటీస్ కోర్సులలో అందుబాటులో ఉన్న సీట్ల సంఖ్య:
- బి.ఎస్సీ ఎకనామిక్స్ (డేటా సైన్స్)- 60
శివ్ నాడార్ యూనివర్శిటీ చెన్నై అడ్మిషన్ ప్రక్రియను ఆసక్తిగల అభ్యర్థులందరికీ అందుబాటులో ఉంచడానికి ప్రయత్నిస్తుంది. తమిళనాడులో 1928 లో అన్నామలై విశ్వవిద్యాలయ చట్టం చేసిన 90 సంవత్సరాల త‌ర్వాత.. మ‌ళ్లీ 2018లో ఆమోదం పొందిన శివ్ నాడార్ విశ్వవిద్యాలయ చట్టం ద్వారా రూపొందిన మొట్టమొదటి ప్రైవేటు రాష్ట్ర విశ్వవిద్యాలయం ఇది. విద్యార్థులు ఆరు ప్రత్యేక కోర్సుల్లో అండర్ గ్రాడ్యుయేట్ డిగ్రీలను చ‌దువుకోవ‌చ్చు. భారతదేశం, విదేశాలలో అభివృద్ధి చెందుతున్న విద్యా, వృత్తిపరమైన అవసరాలకు అనుగుణంగా ఈ కార్యక్రమాలను రూపొందించారు.