జాతీయ చేనేత దినోత్సవం పురస్కరించుకుని ‘క్రాఫ్టింగ్ చేంజ్ అవార్డ్స్’ , ‘గో స్వదేశీ’ హ్యాండ్లూమ్ ఎగ్జిబిషన్‌ను నిర్వహిస్తున్న గోకూప్
తెలుగు సూపర్ న్యూస్,హైదరాబాద్, 7 ఆగస్ట్ 2023: జాతీయ చేనేత దినోత్సవంలో భాగంగా, చేనేత వస్త్రాల ఈ-మార్కెటింగ్‌కు గానూ మొదటి జాతీయ అవార్డును గెలుచుకున్న గోకూప్, చేనేతను అభివృద్ధి చేయడం, ప్రోత్సహించడంలో విశిష్ట సేవలందించిన తమ కళాకారుల భాగస్వామ్యాలను గుర్తిస్తూ ‘క్రాఫ్టింగ్ చేంజ్ అవార్డ్స్’ కార్యక్రమం నిర్వహించింది. దీనితో పాటుగా ఆగస్టు 13 వరకు హైదరాబాద్‌లోని బంజారాహిల్స్, రోడ్ నెం.12లోని కళింగ కల్చరల్ హాల్‌లో ‘గో స్వదేశీ’ చేనేత ప్రదర్శనను కూడా గోకూప్ నిర్వహించనుంది. తెలంగాణ ప్రభుత్వ చీఫ్ ఇన్నోవేషన్ ఆఫీసర్ డాక్టర్ శాంత థౌతం ఈ కార్యక్రమాన్ని ప్రారంభించారు.
గో స్వదేశీ ప్రదర్శన లో భాగంగా నేత కార్మికులు, కళాకారులు రూపొందించిన సున్నితమైన,ప్రామాణికమైన చేనేత చీరలు, బట్టలు, దుస్తుల సామగ్రి, స్టోల్స్, దుపట్టాలు, పురుషుల దుస్తులు, గృహాలంకరణ , అనుబంధ ఉత్పత్తులను ప్రదర్శిస్తున్నారు. ఈ కార్యక్రమం కళాకారులకు సహాయం చేయడం. చేతితో తయారు చేసిన ఉత్పత్తు లను పునరుద్ధరించడం లక్ష్యంగా పెట్టుకుంది.
గో స్వదేశీలో ఆంధ్రప్రదేశ్, బీహార్, గుజరాత్, కర్ణాటక, మధ్యప్రదేశ్, రాజస్థాన్, తెలంగాణ, ఉత్తరప్రదేశ్,పశ్చిమ బెంగాల్ నుండి చేనేత కార్మికులు రూపొందించిన సమకాలీన, సాంప్రదాయ చేనేత వస్ర్తాలు ప్రదర్శిస్తున్నారు. కర్ణాటకలోని అత్యద్భుతమైన సిల్క్ చీరలు, శక్తివంతమైన బెంగాల్ జమ్‌దానీలు & తంగైల్ చీరల నుండి మహేశ్వరీలు & చందేరీల, సున్నితమైన సొగసుల వరకు, గో స్వదేశీలోని కలెక్షన్ మిమ్మల్ని ఆశ్చర్యపరుస్తుంది. అందమైన అల్లికలు, డిజైన్‌లతో పాటు, మీరు టైమ్‌లెస్ క్లాసిక్‌ల శ్రేణి నుండి కూడా ఎంచుకోవచ్చు. మీరు చేతితో తయారు చేసిన వస్తువులను ఇష్టపడితే, ఈ కలెక్షన్లో ఒక ప్రత్యేక భాగమైన వివిధ రకాల ప్రత్యేకమైన అల్లికలు, చేతితో తయారు చేసిన ఆభరణాలతో మిమ్మల్ని మీరు అలంకరించుకుని చూసుకోవచ్చు.
తేదీలు: గో స్వదేశీ ప్రదర్శన- ఆగస్టు 13, 2023 వరకు కొనసాగుతుంది,
సమయం: 11am-8pm
ఎక్కడ: కళింగ కల్చరల్ హాల్, రోడ్ నెం.12, బంజారాహిల్స్, హైదరాబాద్
సంప్రదించండి: మాధవి నాయుడు : 9885551541
ధర పరిధి: రూ.500 – రూ.50,000/-